Dette skjer i veke 6

Her er alt som skjer i veke 6 på frivilligsentralen 

Bruktbui er ope tysdag til fredag frå kl 11 til kl 16, og laurdag frå kl 10 til kl 14!

Mandag 05.02

🧶 Kl 11 Handverkskafé Kafeen selg vaffel og kaffe, og me brukar tid saman til å snakke om alt mellom himmel og jord. Dei fleste har med eit slags handarbeid, og fleire er med på å produsere strikkevarer til jolemessa i desember. Her er det absolutt lov å vere nybegynnar! Kom som du er - me har pinnar og garn :-)

Onsdag 07.02 

👶🎶 Kl 11 - 13 Babysong og småbarnstrall

Ingunn Liseter lover ei inkluderande og hyggeleg stund i lag med masse song og glede, også blir det ein enkel lunsj etterpå. Babysong og småbarnstrall er for barn 0-5 år. Bli kjent med andre med små barn og lær barnesongar, songleikar og regler. Gratis lunsj, alle er velkomne.

Tilbodet er gratis og ope for alle uavhengig av tru eller livssyn. Kontakt: Ingunn Liseter, tlf 976 82 694, ingunn@seljordkyrkje.no

🃏 Kl 18 Nybegynnarkurs i bridge

Liker du å spille kort - eller har lyst å lære? Bli med på Kurs i bridge for nybegynnere! Venner og bekjente i alle aldre rundt om Telemark er velkommen til å lære seg Bridge. Kurset er kostnadsfritt for alle deltagere, og føregår gjennom 6 onsdager fra januar i trivelige omgivelser, hygge og servering av kaffe og vafler.

For påmelding ta kontakt med Daniel på 48459666 eller send oss ei melding på Seljord bridgeklubb på facebook.

Torsdag 08.02 

🍽️ kl 13 til kl 15 Torsdagsmiddag

Denne veka er det heimelaga lapskaus! Her kan du eta eit koseleg måltid saman med andre, og det er alltid triveleg prat over borda. Som avslutning på måltidet får du i tillegg ein desserttallerken og kaffe. Fleire kjøper med seg middag heim, til ein pris på 170kr.

🃏 kl 18 Bridgeklubben 

Lyst til å spele kort og vere sosial? Kan du ikkje bridge så lærar du det her! Bridgeklubben har vore aktiv i 75 år, og her er det mange hyggelege folk frå Seljord, Hjartdal, Bø, Kviteseid, Lunde og Notodden. Kom og sjå og lær bridge!!

Fredag 09.02

🕺 Kl 11 Gubbeklubben 

Gode samtaler, ei skrøne av og til, løysing av verdensproblemer, og kafeen selg vaflar og kaffe. Kan det bli bedre? Gubbane våre samlast kvar fredag frå kl 11, og det er alltid plass rundt bordet til fleire. Ta på deg fredagsskoa og kom!