Prosjektet i Åmotsdal er levert

Etter 11 månader og 600 porsjonar med middag er me nå kome til ende med prosjektet "Onsdagsmiddag i Åmotsdal".

Det har vore fulle hus på kvar middag. Det har vore stort engasjement frå bygdefolki. Alle me på Frivilligsentralen har hatt det veldig triveleg saman med gjestene. Takk til alle som har støtta opp.

Og takk til Fylkesmannen i Vestfold og Telemark som løyva pengar til prosjektet.

Nå må me gå i tenkeboksen å sjå korleis me kan fortsette med onsdagsmiddag i Åmotsdal i 2022.

Her er nokre bilder frå avslutningsmiddagen. På menyen var det ribbe, medisterkaker, surkål og poteter. Dessert var moltekrem med molter levert av Bjørg Oseid Kleivi.